Vai al contenuto
Documenti

Manuai enformatif

Verjete fora chesta sturtada auna de manuai enformatif da podei desćaregà del Istituto Ladin de la Dolomites.

3 documenti

3 risultati

Il Ladino Bellunese nella Pubblica AmministrazioneCurà dal’I.L.D. Tipografia Tiziano, Piee, 2008

Chest libret l ciol su n glossar dei termegn aministratif per le prinziapale varietà del ladin belunes, compagnà da esempi de modulistica biliguala oer la duora nte la aministrazion publica. L conta fora l cuader normatif del stravardament linguistich (Lege 482/1999) e le prime aplicaziogn ntel teritor ladin de la provinzia de Belum. Empò l mostra fora proponeste operative e bone prateghe per la entroduzion e l mancegniment del ladin ntei ent locai, col obietif de valorisà e modernisà la duora de la lenga.

L stravardament de la mendranza linguistica ladina del Belunes. Desposiziogn normativeCurà dal I.L.D. Tipografia Tiziano, Piee 2007

Sto librot l cuis su con oorden le desposiziogn normative prinzipale che le compon l stravardament prevedù dal ordenament giuridich talian per la mendranza ladina logada nte la provinzia de Belum: Costituzion, lege n. 482 del 1999 e relatif regolament de atuazion, lege regionala del Veneto n. 73 del 1994. La binada la à davantvia de le curte note de spiegazion, aposta per rende pi saurì l capì le norme e dessedà coriosità per l argoment.

Scrive per ladin. Manual per peà via a la duora de la grafia ladinaCurà dal I.L.D. Tipografia Tiziano, Piee 2007

L manual l entenz responde a la nezessità de na ortografia ladina ugnola respetosa de le previsiogn de la lege n. 482 del 1999, che la consent la duora nte la aministrazion publica e ntel ensegnament de scola de le lenghe de mendranze recognessude. L empiant sietifich de la ortografia ladina ugnola l é stat cordenà da la professora Piera Rizzolatti de la Università de Udin, e aproà da la Comission sientifica-culturala del Istituto Ladin de la Dolomites.