

Grop Ladin da Zoldo
Val metuda anter crode da maravea, l s’à fat cognesse per i so artesagn del fer, del legn e i gelater che à girolà meja Uropa.
Storia
Al grop l é stat metù in pè al 20/09/2006 dal Angelo Santin, Floriano Pellegrini, Corrado De Rocco, Sante Iral e Gianpiero Ponti. Inte al 2023 al prim Statut l é stat mudà de valch par pudé al comodà da incontentà le nue norme del 3° setor su le associazioin taliane, e par pudé deventà na APS (associazione promozione sociale, in itinere). L é bele che stat fat calche piciola publicazion e dat calche piciol contribut, parasempio ai sonador de Le Fregole par an CD in ladin zoldan. Al Gruppo Folk l à mandà indavant cotant laoro de sturtà testimonianze del Zoldo che l é stat, e anca de manifestazioin e esibizioin de cantà e balà in costume.
Stemin
An toront col dedaré dei color ladign, la sagoma del Sas de Pelf vedù da la banda de Zoldo, al fumaz col cionch che vol fà da legam e sturtà duta la deent de Zoldo.














