Inte nte la vegia senta del Istituto ladin de la Dolomites sa Borcia, la era verta fora na biblioteca spezialisada, con inte pi de 2.300 volum, gasete, materiai audiovisif, carta topografiche che revarda nosseće fora dal ćaf de l’aial ladina provinziala e de auter luoch apedeju. I argoment i se spanz inte per anter la linguistica, la storia, l ndà per crep, la architetura, la archeologia, l’art, l vive al didancuoi e tant de auter.
Daspò drio de la serada su del Istitut, l patrimon bibliografich de la biblioteca l é stat comprà su ntel 2021 da la Provinzia de Belum (valor en dut de 98.000 €, de grazia al contribut de 50.000 € de la Region dal Veneto). Dai 27 de setember del 2024, di de inaugurazion, chest l é danuof a desposizion e da podei lieje intefora colà nte la Biblioteca storica cadorina, Via Cardinale Piazza, 14, 32040 nta Vigo. Chest archif l é fat su da 2.804 document, 2.424 liber e cd de produzion sua e 2.108 codesiei de gasete śiai su endana i laorier del Istitut. Se pol jì a i lieje inte en presenza o i zerćà e ció dimprest travers l cataloch de le Biblioteche Belunese del portal Bibel (bibel.regione.veneto.it).
