Normative sora la mendranza linguistica ladina ntel Veneto
Nte chesta sezione pandon fora le normative prinzipale de referiment, nazional e regional. Promuove la cognessenza de la Lege n. 482/1999, e de la Lege regionala dal Veneto n. 73 del 1994, la n. 30 del 2021 e de sincaso autre desposiziogn legislative viadrio che revarde l stravardà le Mendranze linguistiche storiche, l é nosseće anter i prim obietif de la Federazion.
Articol 6 de la Costituzion de la Republica Taliana: “La Republica la prencura con regole aposta le mendranze linguistiche“
Lege nazionala n. 482 dei 15 de dezember del 1999 “Norme di tutela in materia di minoranze linguistiche storiche”
Se descor de la normativa statala generala en cont de stravardament de le mendranze inguistiche storiche, che vol dì logade da nossacan sul teritor nazional. Estra che mete su facoltà, derit e dovei, chesta lege la pervez finanziament per proget presentai da ent publizi.
Regolament de atuazion de la Legge n. 482 del 1999
Chest regolament del 2001 l spezifichea e l empermet de mete en duora le regole statale sun l stravardament de le mendranze linguistiche
Lege regionala dal Veneto n. 73 dei 23 de dezember del 1994
Chesta l é la normativa regionala veneta che pervez finanziament a scomenzadive ntel ćamp cultural e folcloristich portade enavant da ent privai dei chi teritor onde che l é mendranze linguistiche storiche
Lege regionala dal Veneto n. 30 dei 25 de otober del 2021
Chesta l é la lege regionala che la va a ajornà e complementà la lege 73/1994 de davantfora.
Document scrit ju del 2006 da la Federazion onde che se sturta auna i at de recognessiment e stravardament de la mendranza linguistica ladina nte Provinzia de Belum che esistiva de chi temp:
- Lege nazionala 482/1999
- Legi regionale 1983, 1984, 1994
- Delibera del Consei provinzial de Belun 30/244 2001

