Vai al contenuto
Val del Biois

Union Ladina Val Bios

Valada con dintornvia spirloch spiz, valarign e pissandoi da maravea; le piciole vile le à bu na storia de jent che passeva, devozion popolara (Gesia de San Simon e Papa Luciani) e columia de sostentament.

Storia

L’Union Ladina Val Biois la é nassuda ntel 1990 auna al nuof Grop de folclor che l era pi vege. El Grop de folclor era nassù nfati ntorn i ultim agn ‘60 e le durà nfin i prim agn ‘80.
L’Union Ladina Val Biois la pea via su le peche de la vegia “Associazione Culturale Val Biois” e l à scomenzà da prim a se documentà su la ladinità de la Val del Biois anca apede l’Univesità de Padova onde che se pol catà passa 200 laori del Giovan Battista Pellegrini, nassù a Zenzenighe, sul retoromanzo.
L era i agn de parecio su chela che l é deventà la lege nazional n. 482 del 1999 su le mendranze. Nte chi agn (1992) le venù fora el dizionar del Giovan Battista Rossi da Zenzenighe su “I dialetti ladini e ladino-veneti dell’Agordino centrale e meridionale.
Pochi agn dapò la Union Ladina Val Biois l à scomenzà a fà part de la Federazion ladina, che metea auna tute le Uniogn ladine de la part auta de la provinzia de Belum.
Nte sti agn sion saldo venui fora co nosseche cuante noste publicaziogn, magari en colaborazion co valgugn de auter. Encora aon finanzià laori de auter nost paesagn che à fat ricerca su la nosta tera ladina.
Colaboron co le asociaziogn culturai de la Val: Grop de la Zinghenesta, Fondazion Papa Luciani, Ecomuseo e auter.
Da calche an organizon i “Sportiei ladign”, stampon en pèr de numer al an de “I Quaderni del Biois” e organizon svaraide manifestaziogn; tra tute “Se Desmonteghea”.

Immagini