I é da le valade del Agordin, del Ćadore, del Comelego e de Zoldo.

La Magnifica Comunità di Cadore la é la storica istituzion teritoriala che ghe sora i taregn del Ćadore sens stret, l Comelego e l Oltremont. Agnanorum endrio sta tera ćadorina la era na jonta inte nte la Ćarnia e da chest scomenza fora la partegnuda religiosa ntei secoi del so Arziachenat, encuoi belunes, al Patriarcat furlan de Acuileia. Ntel teritor ćadorin ven descoreste varietà del grop ladin ćadorin (istes l é en Ampez, ma che no l fa part de la Ladinia de Belum ma de la Ladinia ex-Asburgica o Brissino-Tirolese). I é de sort desferenta le parlade de Selva e de Zopè, del grop ladin agordin-zoldan (“ladin-veneto” dei Autor). Jun Ospedal e Perarol se descor varietà venete belunese.
L Agordin (chel storich l lugheva enfin sun Alie-Caloneghe) e Zoldo, che dal passà i era Pief e Capitaniat, i é comunità de valada belunese, storicamente cegnude inte nte la Diozesi de Belum-Feltre e nte la Magnifica Comunità di Cividal di Belluno. L Agordin dal didancuoi (giografich, aministratif e sozial) l ciol inte 16 comugn. Nte doi de chesti se descor varietà ladine atesine (Fodom e La Rocia), nte chi auter se descor varetà ladine agordine-zoldane. Fodom e Col no i fa part de la Ladinia de Belum ma de chela ex-Asburgica.
Donca, nte la region de le Dolomiti, la Ladina la fata su da doi grande aiai: la Ladinia de Belum a sud-est e la Ladinia ex-Asburgica o Brissino-Tirolese a nord-ovest. Chesta ca la met auna le zinch vai de Gherdëina, Badia, Fascia, Fodom-Col e Anpezo, che nte la storia en ca le é stade taregn de Persenon, del Tirol e austrungariche enfin a la fin de la Prima Guera, e encuoi le é spartide da confign provinziai e regionai.
I comugn ladign
La Provinzia de Belum la ciapa inte 38 Comugn che s’à recognossù tant che ladign ai sens dei artt. 2 e 3 de la Lege n. 482 del 1999. 34 de chesti i met auna l teritor pro chel che la Federazion ladina dal Veneto la operea. Vela ca sot la lista, e se pol ndà inte sguelt nte ognun dei so sit istituzionai.
– Agordo/Agort
– Alleghe/Alie
– Canale d’Agordo/Canal
– Cencenighe Agordino/Zenzenighe
– Falcade/Falciade
– Gosaldo/Gosalt
– La Valle Agordina/La Val
– Rivamonte Agordino/Riva
– San Tomaso Agordino/San Tomas
– Selva di Cadore/Selva de Ciadore
– Taibon Agordino/Taibon
– Vallada Agordina/La Valada
– Voltago Agordino/Oltach
Unione Montana Cadore-Longaronese-Zoldo:
– Ospitale di Cadore/Ospedal
– Val di Zoldo/Zoldo
– Zoppè di Cadore/Zopè
Union de Monte de la Val de la Buóite:
– Borca di Cadore/Borcia
– Cibiana di Cadore/Zubiana
– San Vito di Cadore/San Vido
– Valle di Cadore/Val
– Vodo di Cadore/Guodo
Union de Monte Cadore de Medo:
– Auronzo di Cadore/Auronzo
– Calalzo di Cadore/Cialauz
– Domegge di Cadore/Domeie
– Lorenzago di Cadore/Lorenzago
– Lozzo di Cadore/Loze
– Perarolo di Cadore/Perarol
– Pieve di Cadore/Piee
– Vigo di Cadore/Vigo
Union d Monti Cumelgu:
– Comelico Superiore/Cumelgu d Sourä
– Danta di Cadore/Danta
– San Nicolò Comelico/San Colò
– San Pietro di Cadore/San Piero
– Santo Stefano di Cadore/Sa Stefi

