L Istituto Ladin de la Dolomites l é stat editor de desvalive sort de prodot.
Gaseta “Ladin!”
Os sientifica-culturala del Istitut, vegnuda fora da ogni siei mes dal otober del 2004 al november 20215, deventada da ogni an dal 2016 e del 2019 a desposizion domai digitala ntel format “sit de n sfuoi sol”, da podei vede ades sun sto sit: Ladin! Anno XVI – Numero unico, dicembre 2019. Ogni codesel l é spartì fora nte seziogn: una enzentrada sun sagi sientifizi e de rezerća ntel ćamp linguistich, toponomastich, storich, soziologich, etnologich e giuridich; una con contribut culturai desvalif per ladin e talian; una con toch de prosa, poesia e teater per dute le varietà del ladin del Belunes; una onde che ven fate rezensiogn, audiovisif, mostre de enteres aposta per l’aial ladina. Ogni numer l é serà su da la lista de duti i colaorador, co na curta biografia.
Jonte a “Ladin!”
Volum a concegnù desvalif (studi monografizi, indes de la gaseta, ecc.) publicai madecala apede su a la gaseta.
Studi di linguistica
Vocabolar e gramatiche dei dialet ladign del Agordin, Ćadore, Comelego e Zoldo, stud de carater sietifich su temi generai e spezifizi che revarda l ladin dolomitich.
Monografie e studi desvalif
Sagi, recuide de contribut, at de convegn e de cors de formazion che ciol inte ogni aspet de la cultura de le jent ladine de le Dolomiti.
Manuai informatif
Volum de carater devulgatif e istrutif, pensai fora per desferente categorie de enteressai al mondo cultural ladin, dal grant publich ai aministrador e al personal dei ent locai, dai nuof al scrive per ladin ai ensegnant de scola.
Prodot audio-video
Suport audio e video per la documentazion de le costumanze e tradiziogn de le valade de la Ladinia de Belum, de la so cultura de musica, tradizionala e dal didancuoi, e en general otai vers l publich larch per sparpagnà la cognessenza de la particolarità etno-linguistiche del teritor.
Joghi educatif
Joghi didatizi, con test scrit bilinguai per ladin e talian, per la descuerta o l aprofondiment de la lenga e cultura ladina da banda dei pi jovegn e no solche.
